Stikkordarkiv: bjørkelauv

Dei dagane

Dei dagane
når solstrålane smett
gjennom skoddedottane,
når vinden smeikjer skjelvande
bjørkelauv,
når barnehanda søkjer hjelp
frå ei aldrande sjel,
når augekontakt skaper ei
lågmælt forteljing om
gjensidig respekt og
samspel,
når tonar får kroppen til
å røra seg i sanseleg rytme,
når ein møtande smil smeltar
fjorårs-kulden,
– nett dei dagane vil eg samla på
og leggja varsamt
i minneskåpet som ber skiltet
“gode dagar”.

Share