Ei sta fure klamrar seg fast
i ei bergskorte.

For lenge sidan,
på ein ukjend dag
fekk eit frø
festa seg i ei skorte,
fekk nok næring
til eit karrig fureliv,
strekte seg oppover,
stendig oppover mot ein
unåande himmel

Er litt turr og glisen no,
furetoppen,
der han bikkar
nedover,
kjenner nok at
rotfestet og krafta
minkar.
Enno ei stund må likevel
ungbjørkene senda lange blikk
opp mot toppen
av ei sta fure
i ei bergskorte.