Stikkordarkiv: regn

Etter regnet

Eit svanepar glir
bortetter vatnet,
langvarig og sterkt regn
har fylt godt opp.
På eit flatt tak
vandrar eit par karar,
pratar saman,
bøyer seg ned,
finn noko dei ikkje
likar, ristar på
hovudet,
rukkene breier seg
i panna.

Eit svanepar
sig vidare i livet,
ein handverkar har fått
eit nytt oppdrag,
og enno er det tidleg
ein heilt vanleg julitysdag
etter regnet.

Share

Sludd

Kan ikkje vera lett
å vera sludd,
ei blanding av snjo og regn,
korkje det eine
eller det andre,
ei blanding som prøver å vera to ting
på ein gong,
rennande, livgjevande væte
og frosne vassdropar.
Sludden vil so mykje,
men lagar berre
kald væte;
ublid lagnad,
kan ein vel seia.

Share