Stikkordarkiv: skuggar

Kalenderen

Opnar ein ny kalender,
ein heilt ubrukt kalender,
han vinkar på eit vis,
lokkar på eit vis,
lovar på eit vis,
litt trolsk,
litt skjelmsk,
velviljande,
– trur eg;

snur meg litt,
ser skuggane av
dei siste dagane i
den gamle kalenderen,
den var òg lokkande
på eit vis
slik i starten;

skuggane kviskrar:
lær av oss,
hugs oss,
men berre du sjølv
kan fargeleggja
skuggane som du møter
neste gong du
opnar ein ny
kalender

eg vil gjerne opna
mange nye kalendrar.

Share