Stikkordarkiv: steg

Steg

Toeine strøyr dei
steg over golvet

stundom fjonlette, dansande steg
stundom raske, klakkande hælar
stundom faste, golvnære steg

i kvart steg høyrest
ei soge om to

som finn kvardagsglede i
å trø stega
saman.

I huset høyrest
kvardagssteg i trappa,
stega søkjer seg fram
i gangar og rom

hender legg seg
rundt dørhandtak,
dører går opp,
dører går att

det er berre
mine steg,
det er berre
mine hender,
det er berre meg
no

– men berre er meir
enn ingenting.

This website uses cookies. By continuing to use this site, you accept our use of cookies.