Solstrime på golvet

Sola sender strimer
innover golvet,
lagar liv i overflata,
framhevar mønsteret i treet,
avslører støv og lodottar,
merke etter ustø gange
med full kaffikopp,
fortel at grått daglegliv
i solskuggen
brått kan hamna
i stråleglansen,
berre sola får koma
fram,
får skuva skoddedottar
og skyer til sides,
får pensla eit heilt vanleg
kvardagsleg stovegolv
med solstrimer som
lyser opp kvardagen.

Kanskje er det tid for
støvsugaren.

Share

Legg igjen en kommentar

Din e-postadresse vil ikke bli publisert. Obligatoriske felt er merket med *

15 + eighteen =

Dette nettstedet bruker Akismet for å redusere spam. Lær om hvordan dine kommentar-data prosesseres.