So sit dei der,
alle som håpa på
at telefonen skulle ringja,
nyopplada, oppdatert med
alle appar,
låg telefonen der på bordet
og venta på at
det skulle ringja,
eigaren veik ikkje frå
denne tingesten som
kunne vera navlestrengen til
framtida,
øyro var på stilkar,
medan tankane gjekk gjennom
svara som skulle gjevast
når telefonen ringde.
Dagen etter var telefonen like daud,
ingen hadde ringt,
ikkje denne gongen heller,
no kunne ein lesa i media
kven telefonen hadde ringt hjå.
I 1960-åra var eg aktiv i folkedansrørsla i Hardanger. Dei seinaste åra har eg på nytt sysla litt med dansemateriale. Det har m.a. resultert i ein artikkel som er publisert i Hardanger historielags årbok for 2024. Her er ein pdf-versjon av artikkelen, der nokre feil er retta opp. Den som heller vil ha ein bok-versjon, kan kjøpa årboka frå:
Hardanger Historielag, Folkedalsvegen 286, 5736 Granvin.
Tlf: 918 45 719, post@hardanger-historielag.no.
This website uses cookies. By continuing to use this site, you accept our use of cookies.