Det er so spennande med bokstavar.
éin kan vera nok til
å skapa heilt ny meining.
Ta berre ‘influensa’,
me kjenner etter kvar morgon
om me har symptom,
me prøver å unngå influensa,
vaksinerer oss og
styrer på.
Set på ein ‘r’ på slutten
av ‘influensa’,
og me får nemning på
ei heilt ny yrkesgruppe,
personar som gjer nesten
ingenting,
men tenar pengar på det.
Eg er for gamal til å kjenna
nokon influensar,
ikkje for det,
eg har møtt folk som tenar pengar
utan gjera so mykje,
men dei har aldri influert meg.
Livet er i grunnen heilt greitt
utan ‘r’-en i ‘influensa’.
