Det hender at ein kikkar over kanten frå hornet på museumsveggen. Er ein heldig, får ein auga på noko i det pulserande livet. Det må ein fortelja om for å gje inntrykk av at det står til liv. Her er ein liten artikkel om kva eg fann, då eg såg på korleis museum skriv og fortel om «samfunnsoppdraget» sitt.
Det meste i livet er
kvardagar,
innhaldet
er mykje putl,
du veit, alt det umerkande
som fyller
kvardagane med
tankar, handlingar,
og litt meining,
det er undervurdert
alt putlet
me fyller dagane med,
når alt kjem til alt
er det putlet
som limer kvardagane
saman
til eit heilt liv.
This website uses cookies. By continuing to use this site, you accept our use of cookies.