Etter regnet

Eit svanepar glir
bortetter vatnet,
langvarig og sterkt regn
har fylt godt opp.
På eit flatt tak
vandrar eit par karar,
pratar saman,
bøyer seg ned,
finn noko dei ikkje
likar, ristar på
hovudet,
rukkene breier seg
i panna.

Eit svanepar
sig vidare i livet,
ein handverkar har fått
eit nytt oppdrag,
og enno er det tidleg
ein heilt vanleg julitysdag
etter regnet.

Share

Legg igjen en kommentar

Din e-postadresse vil ikke bli publisert. Obligatoriske felt er merket med *

thirteen + twelve =

Dette nettstedet bruker Akismet for å redusere spam. Lær om hvordan dine kommentar-data prosesseres.