Morgonljoset trengjer seg langsamt
inn i sansane,
får medvit og kropp til å vakna
frå sovande tosemd,
dagen teiknar til å verta
endå betre
enn draumen.
Stikkordarkiv: medvit
Nakne ord
Legg igjen en kommentar
Eg likar
enkle, nakne ord,
dei søkjer innåt kvarandre
for å vera mindre åleine
saman,
dei stryk uventa tonar
på strenger med
ukjende stille,
dei fjasfrie, avkledde orda
skjer seg inn
i skoddegrått medvit,
festar seg innimellom
alt ordskrøyvet
som i eino veltar inn
i hausen,
korthogne, nakne ord
kan stå støtt,
lenge.