Det er ikkje berre firma og bønder
som kan snakka om
innsatsfaktorar,
kvar morgon set eg
innsatsfaktorane mine
på bordet framfor meg,
kaffi, grovt brød, mjølk,
sur og søt,
diverse pålegg,
og ei samling med
tiltugg frå apoteket,
og ja, eg òg merkar
at kostnadene stig
for mine innsatsfaktorar,
det er ikkje billeg
å halda ein skrott gangande
og skrivande,
det krevst mange faktorar
for å kunna gjera ein
innsats.