Sydenvarmen har smoge seg inn
på verandaen,
skrotten leitar etter
skugge
der han kan siga ned i ein
stol,
og i samansigen tilstand
lata skoddete tankar
surra rundt
medan undrande augo fylgjer striper
på himmelen
etter fly som skyt
i veg mot ukjende
destinasjonar.
Det er mykje ein nedsigen skrott
kan undra seg over
når kortreist sydenvarme er ein realitet
i nærområdet.