Ein lo-dott stirer på meg
der eg tuslar ein sakte vals
med støvsugaren på stovegolvet,
eg sirklar rundt denne
inntrengjaren,
dreg støvsugarmunnstykket i
fast mønster over golvflata,
til augneblinken er inne
og eg fører munnstykket over
lo-dotten,
ein svak lyd i slangen
får meg til kjenna meg nyttig,
ei sjeldan kjensle
i gjerandsløysedagar.
Lo-dotten skal aldri
undervurderast.
