Månen kan skimtast
bak skyene,
anar den runde konturen,
ljosstrimer trivlar seg fram,
prøver å koma seg gjennom
dei gråmørke skyene,
ein liten kamp mellom
ljosstrimer og det døkke,
varer ei god stund,
men i kveld måtte ljoset
gje seg,
eit tungt skylag
breidde seg over det
rommet
der månen skulle ha
sendt strålar ned på
ei jord
som i desse dagane
kunne trenga nokre fleire
ljosstrimer.
Stikkordarkiv: skyer
Augustskyer
Legg igjen en kommentar
På ein sommarblå himmel i august
svevar livlege vestavêrsskyer
i ein improvisert dans,
søkjer stundom saman,
for so å surra i veg
som små, viltre ungar,
best det er,
er dei borte,
har løyst seg opp
til ingenting,
dei har nådd målet sitt
i livet:
å koma seg heilskinna over fjella
og so gå i oppløysing
hjå austmannen.