Ei open bok

Eg vandrar rundt som ei bok
mellom andre bøker;

stundom møter eg
ei open bok,
boksidene blafrar fritt
i vinden,
orda strøymer ut,
ber om å verta sedde,
vil gjerne verta lesne

so kan eg møta ei anna bok,
stive permar held sidene
tett saman,
ord og innhald er der,
boka kan opnast,
det krevst berre litt
ekstra omsut

sjølv held eg meg mest
med stive permar,
ei hende gong
tek nokon tak i
permane,
opnar boka og
får sidene til
å blafra.

Share

Legg igjen en kommentar

Din e-postadresse vil ikke bli publisert. Obligatoriske felt er merket med *

eleven − six =

Dette nettstedet bruker Akismet for å redusere spam. Lær om hvordan dine kommentar-data prosesseres.